Deseraikiz
Formakuntzaren lan lerroak
Aniztasun sexuala
Eskaintzen ditugun formakuntzek aniztasun sexuala dute oinarri. Lehentasuna ematen diogu beraz gaia sakonki lantzeari beste esparru guztiak ulertu daitezen. (Adin guztiak, HHtik hasi eta pertsona helduetaraino).
Sexu eta familia aniztasuna
Helburu nagusia familia aniztasunean heztea da aniztasunarekiko errespetua landuz, eredu hegemonikoez gain dauden errealitateak ezagutuz eta gatazka egoerak ekidinez. (HH eta LH).
Feminitate eta Maskulinitate anitzak
Gizartearen arauetatik kanpo dauden adirazpenak ikusaraztea izango da jomuga. Aniztasun hori onartzeko erresistentziaren atzean dauden emozioen inguruan hitz egingo dugu. (LH, DBH, Batxilergoa eta pertsona helduetaraino).
Aniztasun sexuala eta onarpena
Plazerra eta desira gauza positiboak dira, eta horregatik, autemate prozesuan ikuspuntu hori ziurtatu behar da gazteak egoera horietan gertatzen denaz jabetu daitezen eta testuingurua ulertu dezaten. (LH, DBH, Batxilergoa eta pertsona helduetaraino).
Sare sozialak eta pornografia
Sare sozialen garapena eta gizartean duten eragina aztertuko dira. Gure harremanak, erakusten dugun irudia eta sareek gure auto-pertzepzioan zein ondorio dituzten aztertuko dugu. Era berean, pornografiak murgilduta gauden aro digital honetan zein papel duen jorratuko da, mito eta errealitateak landuz, alde negatiboak azpimarratuz eta positiboak aztertuz. (DBH, Batxilergoa eta helduentzat).
Gure seme-alaben sexualitatearen garapenean bidelagun
Haurren eta nerabeen sexualitatearen garapena ulertzeko gakoak eskainiko dira. Familia girotik nola lagundu aztertuko da, komunikazioa eta konfiantza ardatz hartuta. Hausnarketaren bitartez, gurasoek elkar partekatzeko eremua izango da.
Noiz hasi gaitezke sexualitatearen inguruan hitz egiten?
Ez dago adin aproposik, adin goiztiarretatik hasi eta helduetaraino jorratu beharreko gaia da honakoa. Maiz beldurrarekin egiten dugu topo. Ez dira txikiegiak izango? Haurtzarotik hasten gara sexualitatea hautematen eta aniztasuna da gai hau ulertzeko giltza.
Heziketa sexuala norberaren sexualitatearekin bizipen aberasgarriak izateko tresnak edukitzean oinarritzen da. Nola? Norberaren ezagutza sustatuz, adierazteko gaitasunak landuz eta besteekin elkarbizitzeko harremanen inguruan hausnartuz.
Nolakoak dira formakuntza tailerrak?
Bakoitzak bere bizipenen bidez ehuntzen du bere biografia, bakarra eta errepikaezina. Horrexegatik, hiztegia egokituz eta dinamika desberdinen bitartez, testuinguru bakoitzera egokituko gara. Gai eta kontzeptu konplexuak modu ulergarri eta eskuragarrian helarazten ditugu, gune seguru eta konfiantziazkoak sortuz. Fomakuntzak adibidez beteta egongo dira, hausnarketara bideratuko ditugu partaideak eta adinera egokituko diren jarduerak burutuko ditugu.
Zein da iraupena?
Denbora gehiago izateak aukera gehiago ematen du ideiak sakontasunez barneratzeko. Honek, alde praktikoari behar duen astia ematea ahalbidetzen du taldearen beharretara gehiago egokituz. Beharren arabera proposamena bidaliko dizuegu inongo konpromezurik gabe.
Hala ere, formakuntzaren iraupen minimoa 2 ordukoa da. Denbora minimo bat behar baitugu konfidantzazko giroa sortzeko eta nondik norakoak azaltzeko.
Zerbitzuetan agertzen diren aukerez gain, beste lan lerro batzuk ere badituzue?
Bai ! Gure oinarria sexualitatea da eta hortik abiatuz, beste zenbait gairekin lotu daiteke. Zerbitzu aukeren artean zure ideia agertzen ez bada, idatzi eta elkarlanean bide egokiena eraikiko dugu.