Kaixo! Itsaso eta Lierni gara, Deseraikiz entitatearen atzean gauden bi lagunak.

Urteak daramatzagu aniztasun sexuala esparru desberdinetara gerturatzen arlo ezberdinetan: elkarteetan, udaletako programetan eta, batez ere, eskoletan, guraso, irakasle eta ikasleekin lankidetzan.

Bakoitzak bere bizipenen bidez ehuntzen du bere biografia, bakarra eta errepikaezina. Horrexegatik, hiztegia egokituz eta dinamika desberdinen bitartez, edozein adinean hausnartu daiteke honen inguruan. 

Gure helburua gai eta kontzeptu konplexuak modu ulergarri eta eskuragarrian helaraztea da. Testuingurura egokituz jarduten dugu beti, taldearen kohesioa sustatzea eta hizkera hurbila erabiltzea izanik gure lan tresna nagusiak. Horrela, sexualitatearen inguruko hausnarketarako gune seguru eta errespetuzkoak sortzea dugu xede.

Bide honetan, erronka berriak aurkitu ditugu, eta horiei erantzuteko, behar eta testuinguru bakoitzera egokitzen diren formakuntza-proposamenak ditugu. Gure zerbitzuen atalean aurkituko dituzuenak gida orokor modura ulertu behar dira, beti moldagarriak, bai adinaren bai ordu kopuruaren arabera.

Irrikitan gaude zuen errealitatera gerturatzeko!